Jennifer Aniston byrjuð með Mayer

Orðrómur er uppi um að leikkonan Jennifer Aniston sé byrjuð aftur með fyrrverandi kærasta sínum, söngvaranum John Mayer, þrátt fyrir mótbárur vina sinna.

Aniston hætti með hinum 32 ára söngvara í ágúst fyrir tveimur árum en byrjaði síðan aftur með honum í október sama ár. Þau hættu síðan saman í annað sinn í mars í fyrra.

„Vinir hennar þola ekki John Mayer en hún er enn þá ástfangin af honum,“ sagði heimildarmaður við tímaritið OK. Talið er að þau hafi byrjað aftur saman eftir að Mayer bauð Aniston að fljúga í einkaþotu sinni frá Los Angeles til Manhattan þar sem hann býr. Stutt er síðan Mayer gaf í skyn á Twitter-síðu sinni að hann væri byrjaður aftur með Aniston.