Ótrúlegur Brand

Óskarsverðlaunaleikkonan Helen Mirren segist ekki eiga orð yfir það hversu hæfileikaríkur landi hennar, Russel Brand, sé. Þau tvö leika á móti hvort öðru í kvikmyndinni Arthur en hún er endurgerð á hinni sígildu Dudley Moore-mynd frá árinu 1981.

„Brand hefur ótrúlegan grín-heila og hefur næmt auga fyrir smáatriðum,“ segir Mirren og bætir því við að hún hafi verið mikill aðdáandi gömlu myndarinnar en hún fjallar um metnaðarlausan erfingja sem á í erfiðleikum með áfengi.