Sátt við appelsínuhúðina

Leikkonan Jessica Alba er fullkomlega ánægð með líkama sinn. Hún elskar brjóstin á sér þó þau séu byrjuð að vísa niður á við og appelsínuhúðin á lærum hennar er falleg að hennar mati.

Jessica, sem á tveggja ára gamla dóttur, Honor, með eiginmanni sínum Cash Warren, viðurkennir fúslega að líkami hennar hefur breyst eftir meðgönguna en henni er alveg sama því hún er í skýjunum yfir því að vera móðir.

„Það er yndslegt að fá að vera mamma. Að eignast barn eru forrétttindi. Brjóstin á mér vísa niður á við og ég er með appelsínuhúð og mjaðmirnar á mér eru stærri en áður en vitið þið hvað? Ég elska það!" sagði leikkonan.