Hillary Duff fékk 130 milljóna trúlofunarhring

Einkaþjálfari Hillary Duff lét hana gera armbeygjur eftir að hún kvartaði yfir því að erfitt væri að bera 14 karata trúlofunarhring í ræktinni.

Söngkonan trúlofaðist íshokkíleikmanninum Mike Comrie á ferð þeirra til Hawai fyrir skemmstu. Trúlofunarhringurinn kostaði því sem nemur litlum 130 milljónum íslenskra króna og því ljóst að litlu var til sparað.

Duff kvartaði hins vegar yfir því að hringurinn væri að flækjast fyrir sér þegar að hún var í ræktinni í Los Angeles. Nærstaddir sögðu að hún hefði ekki viljað taka hringinn af eða nota sérstaka æfingahanska þannig að þjálfarinn hennar sagði henni að taka 100 armbeygjur.

Duff leist víst ekkert sérstaklega vel á ráðleggingarnar í fyrstu en þjálfaranum tókst að sannfæra hana um að þetta myndi ekki skemma hringinn og jafnframt vera skjót aðferð til að koma henni í form.