Glæsileiki hjá MTV

Hin árlegu evrópsku tónlistaverðlaun MTV voru veitt með pompi og pragt fyrr í vikunni. Að þessu sinni lá leið stjarnanna til Madríd á Spáni og kynnir kvöldsins var aðþrengda eiginkonan Eva Longoria, en hún notaði tækifærið og skipti þrettán sinnum um klæðnað við mikinn fögnuð áhorfenda.

Sigurvegari kvöldins var tónlistarkonan Lady Gaga en hún sópaði til sín verðlaunum; fyrir bestu söngkonuna, besta lagið og besta poppið. Poppdrottningin sá sér þó ekki fært að mæta en sendi þakkarkveðjur frá Búdapest þar sem hún var við tónleikahald.

Rauði dregillinn var glæsilegur að vanda þar sem stuttir og þröngir kjólar sem og síðir hvítir voru áberandi.