Vissi strax að hann væri sá rétti

Söngkonan Katy Perry, 25 ára, hefur alveg frá því að hún hitti breska grínistann Russell Brand, 35 ára, vitað að hann væri sá eini rétti fyrir hana.

Katy trúlofaðist Russell á nýárskvöld og síðar á þessu ári ætlar hún að giftast grínistanum. Hvorugt þeirra vill gefa upp hvar eða hvenær brúðkaupið fer fram en þau segja það hernaðarleyndarmál eins og er.

„Russell er svo næmur fyrir hverju einasta smáatriði og svo skilur hann mig og hlustar á mig þegar ég þarf á því að halda," sagði Katy.

„Svo erum við bæði með frábæran húmor og komum hvort öðru til að hlæja og það eitt heldur okkur vel tengdum."