„Hugh Grant stal rakakreminu mínu“

Leikkonan Liz Hurley hefur staðfest það sem marga hefur lengi grunað. Hugh Grant er þjófóttur. Hurley og Hugh áttu í ástarsambandi um þrettán ára skeið á árunum 1987 til 2000. Hurley ber þó engan kala til Grants og segir þau enn vera mjög góða vini en hún giftist indverskum auðkýfingi árið 2007.

„Hann hefur notað Estee Lauder Re-Nutriv rakakremið í mörg ár," sagði Hurley í viðtali við Now tímaritið. „Hann átti það til að stela mínu þegar við vorum saman, en nú senda þeir honum það ókeypis." Þarna er komin skýringin á því hvernig Grant tekst að halda sér svona unglegum, en hann verður fimmtugur á næsta ári.