Rándýrt að líta vel út

Jane Fonda, 72 ára, heldur því fram að það kosti morðfjár að líta vel út.

Jane hefur ávallt viðurkennt að hún sé hundleið á að líta þreytulega og ellilega út og leiti því til fagaðila til að bæta útlit sitt.

Hún borðar rétt, er dugleg að hreyfa sig og síðan eyðir hún peningunum sínum í ýmsar fegrunaraðgerðir.

„Ég er mjög varasöm þegar kemur að mataræðinu en ég hef alltaf hreyft mig reglulega. Svo er ég líka með mjög góð gen," sagði Jane.

„Annars fór ég nýverið í lýtaaðgerð. Ákvörðunin var erfið en ég lét slag standa eftir langa umhugsun. Ég ætla að segja sannleikann hvað það varðar en núna er ég að skrifa bók um það hvernig er að eldast og þar læt ég allt flakka."

„Ég lét fjarlægja pokana undir augunum því ég var orðin þreytt á að vera þreytuleg í framan," sagði Jane.