Vilja gerast bændur

Tilvonandi hjónin Russell Brand og Katy Perry hafa lýst því yfir að þau langi til að gerast sveitafólk þegar þeirra tími í skemmtanabransanum er liðinn.

Söngkonan hefur mikinn áhuga á að stofna fjölskyldu og ala upp börn sín í sveitasælunni í Bretlandi og eiga hænur og kýr. Parið er nýbúið að festa kaup á stórri íbúð í New York en Perry getur ekki hugsað sér að stofna fjölskyldu þar.

Þess má geta að leikarinn Russell Brand hefur sagt í fjölmiðlum að hann vilji helst eignast tíu börn. Það er því von á miklu lífi og fjöri í framtíðinni hjá skötuhjúunum, á sveitabænum með tíu börn.