Náttúruverndaverðlaunin afhent í fyrsta sinn

Sigrún Helgadóttir, náttúrufræðingur og kennari, hlaut í dag fyrst allra ný Náttúrverndarverðlaun, viðurkenningu Sigríðar í Brattholti. Umhverfisráðherra afhenti verðlaunin við athöfn í Þjóðmenningarhúsinu í hádeginu. Viðurkenninguna hlaut Sigrún fyrir störf sín í gegnum tíðina í þágu náttúrunnar og fræðslu um hana.

Kuðunginn, umhverfisviðurkenningu umhverfisráðuneytisins, til fyrirtækja og stofnanna, fékk Prentsmiðjan Oddi að þessu sinni, með þeim rökstuðningi að umhverfismál hafi ávallt skipað stóran sess í rekstri fyrirtækisins og eigendur þess hafi ávallt leitast við að fara vel með hráefni og draga úr umhverfisáhrifum rekstrarins á skilvirkan hátt.