Lífið

Claudia Schiffer ólétt og nakin á forsíðu Vogue

Claudia Schiffer komin níu mánuði á leið. Karl Lagerfeld tók myndina.
Claudia Schiffer komin níu mánuði á leið. Karl Lagerfeld tók myndina.
Fyrirsætan Claudia Schiffer prýðir forsíðu nýjasta tölublaðs þýska Vogue, sem kemur út í dag. Hún er komin níu mánuði á leið og er forsíðan afar lík þeirri sem Demi Moore sat fyrir á hjá Vanity Fair árið 1991.

Sjálfur Karl Lagerfeld tískuhönnuður tók myndirnar af Claudiu. Hún er 39 ára gömul og er að eignast sitt þriðja barn með leikstjóranum Matthew Vaughn, sem sló nýlega í gegn með myndinni Kick-Ass. Þau eiga sex ára son og fimm ára dóttur og eiga nú von á annarri dóttur.

Claudia á von á sér á næstu dögum. Hún bætist í stóran hóp stjarna sem hafa setið fyrir óléttar en við söfnuðum saman nokkrum af frægustu forsíðunum í myndasafnið hér fyrir neðan.

Demi Moore byrjaði faraldurinn á forsíðu Vanity Fair árið 1991. Þessi forsíða er skuggalega lík forsíðu Claudiu Schiffer hjá Vogue.
Leikkonan Lisa Rinna mætti ólétt á forsíðu Playboy árið 1998.
Fyrirsætan Cindy Crawford var meðal þeirra fyrstu í óléttuforsíðuklúbbnum. Hún var hjá W árið 1999.
Britney á fyrstu óléttuforsíðunni sinni, hjá Elle árið 2005.
Önnur óléttuforsíða Britney, á Harper's Bazaar í ágúst 2006.
Þriðja óléttuforsíða Britney, á Q í nóvember 2006.
Halle Berry ólétt af dóttur hennar og Gabriel Aubry á forsíðu Instyle í febrúar 2008.
Ítalska leikkonan Monica Bellucci á forsíðu Vanity Fair árið 2004.
Monica Bellucci mætti aftur til leiks hjá Vanity Fair nú í mars 2010.
Rebecca Romijn á forsíðu hjá tímariti New York Post, Page Six.
Söngkonan Christina Aguilera sýndi bumbuna á forsíðu Marie Clare í janúar 2008.
Tékkneska fyrirsætan Eva Herzigova í ítalska Vanity Fair árið 2007.
Nýja Vogue-forsíðan með Claudiu Schiffer.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.