Gallsúr smokkatígur í Kambódíu

Tiger Woods hefur ekki átt sjö dagana sæla síðastliðna mánuði. Tiger hefur verið uppspretta fjölmargra brandara vegna kynlífshegðunar sinnar, en nýjasti brandarinn er eiginlega of súr.

Það má nefnilega finna eftirmynd af golfaranum heimsfræga þar sem hann er þakinn smokkum.

Eftirmyndina má finna í Kambódíu en smokkatígurinn er hluti af herferð kambódískra stjórnvalda til þess að hvetja almenning að setja öryggið á oddinn þar í landi.

Sennilega þótti forsvarsmönnum átaksins Tiger Woods tilvalin fyrirmynd fyrir öruggara kynlíf.

Slagorðið er í anda Nike íþróttamerkisins og hljóðar svo: „Let´ s do it Tiger!"