Áttunda og síðasta barnið

Söngvarinn Rod Stewart segir að áttunda barnið hans sem er væntanlegt í heiminn verði hans síðasta. Fyrr í mánuðinum tilkynntu hann og hin 39 ára eiginkona hans, Penny Lancaster, að þau ættu von á sínu öðru barni. Stewart á sex önnur börn úr fjórum samböndum og óttast að hann geti ekki framfleytt fleiri börnum en átta.

„Ég er mjög hamingjusamur en þetta verður síðasta barnið. Ég get ekki eignast fleiri börn því annars þarf ég að vera á tónleikaferð þangað til ég verð níræður,“ sagði hann.