Lohan telur að ímynd sinni hafi verið stolið

Hollywoodstjarnan Lindsay Lohan hefur stefnt eignarhaldsfélaginu E*Trade. Leikkonan geðþekka segir að mjólkursjúk stúlka sem birtist í auglýsingu á vegum dótturfyrirtækis félagsins sé búin til að fyrirmynd hennar.

Stúlkan er kölluð Lindsay í auglýsingunum en Lohan segir að E*Trade hafi líka hermt eftir útliti hennar, einkennum og persónuelika án leyfis hennar. Þetta sé brot á friðhelgi einkalífs.

Stefnan var gefin út í gær. Þar kemur fram að Lohan krefst 100 milljóna dollara eða rösklega 12 milljarða íslenskra króna.