Aflýsir tónleikaferð vegna ástarsorgar

Breska söngkonan Leona Lewis hefur aflýst tónleikaferð sinni um Ástralíu, Asíu og Evrópu. Hún er að jafna sig á skilnaði við kærastann sinn til tíu ára og er ekki tilbúin í stóra tónleikaferð. Þess í stað ætlar hún að einbeita sér að vinnu í hljóðveri á næstunni.

„Leona var ekki með hugann alveg við efnið undir lok tónleikaferðar sinnar um Bretland. Hún var ekki komin yfir sambandsslitin við Lou. Hún hafði verið með honum í tíu ár. Hann átti að vera stóra ástin hennar,“ sagði heimildarmaður. „Það síðasta sem hún vildi var að vera fjarri vinum og vandamönnum.“