Hugsar stöðugt um lýtaaðgerðir

Fyrrverandi ofurfyrirsætan Janice Dickinson, 55 ára, segist öllum stundum hugsa um að gangast undir fleiri lýtaaðgerðir því hún þráir fátt meira en að bæta útlit sitt.

Janice er þekkt fyrir að ræða opinskátt um aðgerðirnar sem hún hefur látið gera á sér eins og brjóstastækkunaraðgerðina sem hún gekkst undir eftir að hún varð móðir.

„Það er ekkert til sem heitir of mikið. Ef einstaklingum sem fara í lýtaaðgerðir líður betur er það hið besta mál," sagði Janice.

„Eftir að ég eignaðist son minn litu brjóstin á mér út eins og pönnukökur þannig að ég lét laga þau," viðurkenndi hún í viðtali við tímaritið Closer.

„Svo eftir að ég varð fertug lét ég setja bótox í andlitið á mér og hef gert það síðan á hálfs árs fresti. Ég er alltaf að hugsa um að láta laga meira. Ég ætla að verða fallegasta líkið í heiminum," sagði hún.

Janice hefur mikið fyrir því að líta vel út og vera í góðu líkamlegu formi. Hún segist borða rétt og stunda líkamsrækt á hverjum degi.