Borgarfulltrúar í karate

Borgarfulltrúar Besta flokksins skelltu sér á karateæfingu í hádeginu í gær og slóst Gísli Marteinn Baldursson í hópinn. Stefnt er að því að meira verði um álíka hópefli í borgarstjórn.

„Þetta var alveg frábærlega skemmtilegt,“ segir Karl Sigurðsson, borgarfulltrúi Besta flokksins, en þeir boðuðu til karateæfinga í hádeginu í Laugardalslaug fyrir sig og samflokka sína. Hugmyndin er komin frá borgarstjóranum sjálfum, Jóni Gnarr, og á að vera eins konar hópefli fyrir borgarstjórn.

„Það var mikið hlegið en fólk tók þetta líka alvarlega enda má ekki fíflast of mikið fyrir framan kennarann,“ segir Karl og viðurkennir að þau hafi nú öll verið jafn léleg í þessum fyrsta tíma. „Það var nú mál manna í morgun að þetta ættum við að endurtaka sem fyrst og jafnvel gera að föstum lið í borgarstjórn,“ segir Karl.

Hanna Birna Kristjánsdóttir og Sóley Tómasdóttir sáu sér ekki fært að mæta í þetta skiptið. - áp