Rokkþrenna á Dillon í kvöld

Hljómsveitirnar Reason To Believe, We Made God og Nögl ætla að troða upp á Dillon Rock Bar í kvöld. Allar spila rokk. Reason To Believe er lítt þekkt nafn en á uppleið. Sveitin var valin hljómsveit fólksins á Rokkstokk 2010.

Strákarnir vinna nú að sinni fyrstu plötu sem á að koma út á árinu. Þeir spila melódískt rokk. Nögl gáfu út sína fyrstu plötu í september, I proudly present. Bandið hefur verið með fjögur lög í spilun á X-inu. We Made God er hljómsveit sem hefur verið starfandi í nokkur ár. Strákarnir gáfu út sína fyrstu plötu árið 2008, As We Sleep. Þeir spila seiðandi hugsunarrokk. Tónleikarnir byrja kl. 22. Það kostar 500 krónur inn og það er 18 ára aldurstakmark.