Kalt vatn að drekka úr nýju listaverki

Nýr vatnspóstur hannaður af Sigurði Guðmundssyni, listamanni og rithöfundi, var tekinn formlega í notkun við göngu- og hjólastíginn í Fossvogsdal fyrir skömmu. Vatnspósturinn er á vegum Orkuveitu Reykjavíkur og stendur vestan við enda Árlands.

Í tilkynningu frá Orkuveitunni kemur fram að fyrirtækið hafi á undanförnum árum komið fyrir útivatnspóstum við Ægisíðu, Skólavörðuholt, Nauthólsvík, Sæbraut, í Árbæ og við Korpu. Einnig eru tveir vatnspóstar á Akranesi. Þá séu hundruð vatnspósta í skólum og stofnunum borgarinnar. - gar