Arion sigraði liðakeppni Mottumars

Nú hefur verið lokað fyrir keppni á vefnum karlmennogkrabbamein.is og því ljós hverjir hlutu sigur úr bítum í hópakeppni átaks Krabbameinsfélagsins - Mottumars.

Arion banki náði toppsætinu í harðri baráttu í liðakeppni Mottumars sem Krabbameinsfélagið stóð fyrir. Gríðarleg stemming var meðal starfsmanna bankans og yfir 100 karlmenn sem söfnuðu vænlegri mottu. Lokað hefur verið fyrir keppni.

Þess má einnig geta að vinningshafi í einstaklingshluta keppninnar verður valinn í beinni og opinni söfnunardagskrá á Stöð 2 á morgun, föstudag. Þá kýs þjóðin sína „uppáhaldsmottu" úr hópi 5 efstu keppendanna í gegnum síma.