Konukvöld Létt Bylgjunnar - Myndir

Hátt í sex þúsund konur lögðu leið sína í Smáralind á árlegt Konukvöld Létt Bylgjunnar í gærkveldi. Yfir 80 verslanir voru með opið til klukkan 23. Fjölmörg ómótstæðileg tilboð, skemmtilegar uppákomur og skemmtiatriði héldu öllum gestunum við efnið allt kvöldið.

Í Vetrargarðinum var frábær skemmtun með Regínu Ósk, Friðrik Ómari, Hellisbúanum, Saxa lækni og Heru Björk sem var gestgjafi og sló botninn í skemmtunina með Eurovision laginu sínu í glænýrri útgáfu, þeirri sömu og hún mun syngja í Osló í vor.

Afrekskona Létt Bylgjunnar var kynnt og heiðruð á konukvöldi Létt Bylgjunnar en hún er Erna Magnúsdóttir frumkvöðull, hugmyndasmiður og forstöðumaður Ljóssins. Rætt var við Ernu á Létt Bylgjunni í dag og hægt að hlusta á spjallið hér.