Deep Jimi fagnar

Rokksveitin Deep Jimi & the Zep Creams heldur tónleika í tilefni af útgáfu á fjórðu plötu sinni, Better When We"re Dead, á Faktorý í kvöld.

Deep Jimi var stofnuð fyrir um tuttugu árum og hefur alltaf sótt mikið í sarp sjöunda áratugarins, sérstaklega hipparokks í þyngri kantinum. Þorvaldur Bjarni Þorvaldsson var upptökustjóri nýju plötunnar, þar sem vandað var meira til verks en oft áður. Ekki eru margir tónleikar fyrirhugaðir á næstunni.

Sveitin leggur þó leið sína norður yfir heiðar í byrjun október auk þess sem hún spilar á Airwaves-hátíðinni seinna í sama mánuði.