George Clooney giftist í næstu viku

Hollywood leikarinn George Clooney, 49 ára, ætlar að ganga í heilagt hjónaband í næstu viku.

George byrjaði með ítölsku sjónvarpskonunni Elisabettu Canalis, 31 árs, á síðasta ári.

Sagan segir að brúðkaupið fari fram næsta fimmtudag en ekki er vitað hvar athöfnin fer fram.

Elisabetta vill halda því leyndu hvar þau gifta sig eins lengi og mögulegt er. Einnig er hún sögð þrá að lifa eðlilegu lífi í stað þess að vera stöðugt undir smásjá fjölmiðla.

George hefur samþykkt að selja villuna sína í Lake Como á Ítalíu og flytja á nýjan stað til að öðlast meira næði í framtíðinni.

„Konurnar sem ég hef átt í ástarsambandi við hafa allar fengið leið á mér því ég er alltaf í vinnunni," viðurkenndi George fyrr á þessu ári.

„Ef ég væri kærastan mín væri ég fyrir löngu hætt með mér."