Með lag á plötu Jacko

Fyrsta lagið á væntanlegri plötu Michaels Jackson með óútgefnu efni sem hann tók upp áður en hann lést verður eftir Lenny Kravitz. Lagið var tekið upp fyrir tíundu og síðustu hljóðversplötu Jackson, Invincible, sem kom út árið 2001. Það komst þó ekki á plötuna því það þótti of rokkað. Núna er það aftur á móti talið besta óútgefna lagið sem til er með Jackson. Kravitz segir að það hafi verið frábært að vinna með átrúnaðargoði sínu. „Við hlógum allan daginn. Hann var fyndinn náungi og við bárum mikla virðingu hvor fyrir öðrum. Minningin um þetta samstarf er falleg.“