Hafði mikið fyrir því að komast í form

Leikarinn Mark Wahlberg sem sat eftirminnilega fyrir í Calvin Klein nærfataauglýsingaherferð fyrir nokkrum árum viðurkennir að það er erfitt að halda líkamanum í góðu formi en honum líður best þannig.

Leikarinn, sem er 39 ára gamall, hafði mikið fyrir því hér áður fyrr að lyfta lóðum og hreyfa sig til að komast í besta líkamlega ástandið hverju sinni.

„Þegar ég byrjaði að æfa reyndi ég bókstaflega að lyfta allri líkamsræktarstöðinni. Ég lyfti eins þungum lóðum og ég mögulega gat á hverjum einasta degi. Í dag er ég ekki alveg eins ýktur," sagði Mark í tímaritinu Men's Fitness.

„Ég hef haft mikið fyrir því að komast í þetta líkamlega form þannig að ég get alveg eins lagt eitthvað á mig til að halda því við."