Kaflar teknir úr nýrri bók

Breski leikarinn Jude Law hefur unnið mál sem hann höfðaði gegn Sadie Frost, fyrrverandi eiginkonu sinni. Law var afar ósáttur við væntanlega bók Frost, Crazy Days. Krafðist hann þess að hún fjarlægði ljósmyndir af börnunum þeirra og tæki út texta sem fjallaði á opinskáan hátt um stormasamt hjónaband þeirra. Samkvæmt kunningja leikarans verða meðal annars teknir út kaflar sem fjölluðu um eiturlyfjanotkun hjónanna fyrrverandi og svokölluð makaskipti. Bókin er væntanleg á markað 4. september þar sem þessir safaríku kaflar verða fjarri góðu gamni.