Nýtt lag úr Kóngavegi

Lagið Bye Bye Troubles eftir Lay Low, sem er lokalag kvikmyndar­innar Kóngavegur í leikstjórn Valdísar Óskarsdóttur, er komið í spilun á útvarpsstöðvum.

Lay Low samdi tónlistina í myndinni og henni til aðstoðar voru Pétur Hallgrímsson, Björn Sigmundur Ólafsson, Agnes Erna Estherardóttir og Unnur Birna Björnsdóttir. Kóngavegur verður frumsýnd föstudaginn 26. mars.

Hún gerist í hjólhýsahverfi og segir frá atburðum sem eiga sér stað þegar Júníor snýr heim eftir þriggja ára fjarveru. Á meðal leikara eru Björn Hlynur Haraldsson, Daniel Brühl og Gísli Örn Garðarsson.