Undirbúa nýja plötu

Hljómsveitin Green Day er þegar byrjuð að vinna í næstu plötu þrátt fyrir að innan við ár sé liðið síðan sú síðasta kom út. Nýju lögin hafa orðið til á tónleikaferð sveitarinnar um Evrópu og vill forsprakkinn, Billie-Joe Armstrong, að platan verði tilbúin á skemmri tíma en sú síðasta. Sú plata, 21st Century Breakdown, kom út í fyrra, fimm árum eftir að American Idiot leit dagsins ljós.

„Við bjuggum til nokkrar prufuupptökur í Berlín, Stokkhólmi, fyrir utan Glasgow og í Amsterdam,“ sagði Armstrong, sem er ánægður með framgang mála. Sveitin ætlar einnig að gefa út eigin Rock Band-tölvuleik á þessu ári.