Sögðu að ég væri of feit

Fyrrum fyrirsætan Janice Dickinson, 55 ára, heldur því fram að hönnuðir hafi sagt henni að hún væri allt of feit til að sýna fötin þeirra þegar hún var á hátindi ferilsins sem módel fyrir þrjátíu árum.

Janice þurfti að létta sig til að fá vinnu við að sýna fatnað eftir eftirsótta hönnuði í þá daga.

„Ég hlustaði á hönnuðina segja við mig að ég væri allt of feit. Ég hugsaði með mér: Hvað er eiginlega að ykkur?" sagði Janice.

„Ég elska konur sama hvernig þær líta út. Fatastærðirnar eru algjört aukaatriði," sagði Janice.