Ekki meira drama takk!

Breski söngvarinn Robbie Williams fékk sig fullsaddan af dramatískum samböndum sem tilheyra fortíðinni þar sem allt fór í háaloft við minnsta tilefni.

Í dag er Robbie giftur maður og sáttur við lífið og tilveruna. Hann giftist leikkonunni Ayda Field á heimili þeirra í Beverly Hills 7. ágúst síðastliðinn.

Robbie segir að hjónabandið sé eitt það besta sem hefur komið fyrir hann.

„Að vera giftur er yndisleg tilfinning og ef ég á að vera alveg hreinskilinn þá er ég ennþá að venjast því að vera í sambandi sem er laust við stöðugt drama og vesen. Lífið verður allt öðruvísi þegar þú ert giftur. Ruglið og vitleysan hverfur og tilveran tekur allt aðra stefnu," sagði Robbie.