Spara á því að taka strætó

Strætó bs. hefur birt útreikninga sem sýna að taki fólk strætó til og frá vinnu eða skóla, megi spara um 150 þúsund krónur á ári. Þar er miðað við að áfangastaðurinn sé innan við tíu mínútur frá heimili.

Útreikningarnir byggja á upplýsingum frá Félagi íslenskra bifreiðaeigenda.

Næsta hálfa árið munu öll gildistímakort hjá Strætó, sem keypt eru á vefnum, gilda í þriðjungi lengri tíma en ella. Þannig munu 30 daga kort gilda í 40 daga, 90 daga í 120 daga og 9 mánaða kort í tólf mánuði. Eins og áður segir á þetta bara við um kort sem keypt eru á vefnum.

Í tilkynningu frá Strætó segir Reynir Jónsson framkvæmdastjóri að samkvæmt talningum hafi farþegum fjölgað miðað við sama tíma í fyrra.- kóp