Á sjúkrahús vegna koffíns

Rokkarinn Dave Grohl var nýlega fluttur á sjúkrahús eftir að hafa innbyrt of stóran skammt af koffíni. Þetta gerðist í miðjum upptökum á annarri plötu hljómsveitarinnar Them Crooked Vultures.

„Dave var fluttur í skyndi til læknis vegna líkamlegra kvilla sem orsökuðust af of mikilli koffínneyslu. Hann var í frekar slæmu ásigkomulagi. Síðan þetta gerðist hefur hann dregið mjög úr kaffidrykkunni," sagði í skilaboðum frá sveitinni. Plata Them Crooked Vultures kemur líklega út síðar á þessu ári.