Fékk sér bótox

Áströlsku söngkonunni Kylie Minogue, 42 ára, líður best þegar hún er náttúrulega útlítandi.

„Ég set á mig púður og rósalitan gloss," sagði Kylie spurð út í förðunarvörur sem hún notar.

„Ég set líka á mig augnmálningu en alls ekki of mikið. Ég vil vera náttúrulega útlítandi. Mér líður best þannig."

Kylie viðurkennir að hún lét setja bótox í andlitið á sér en í dag hugsar hún sérstaklega vel um húðina með réttum andlitskremum og förðunarvörum.

„Ég kann mörg förðunarleyndarmál og já ég hef fengið mér bótox en það er langt síðan. Það er ekkert leyndarmál hvernig andlitinu er haldið fersku og flottu. Það þarf fyrst og fremst góðar förðunarvörur til þess," sagði hún.