Victoria nakin í lyftu

Hjónin David og Victoria Beckham leika saman í sjónvarpsauglýsingu fyrir nýtt ilmvatn sem ber nafnið Intimately Beckham.

Auglýsingin er nýfarin í loftið og þykir af svæsnari gerðinni. Söguþráðurinn er einfaldur en hjónin eru saman í lyftu að láta vel hvort að öðru og er meðal annars látið líta út fyrir að frú Beckham sé nakin.

Þegar lyftan er komin á áfangastað sést fótboltastjarnan þurrka varalit af vörum sínum og brosandi Victoria stígur út. Ilmvatnið er það fimmta sem hjónin búa til saman en þau hafa verið gift í ellefu ár og eiga saman þrjá syni.

Hér er hægt að sjá auglýsinguna.