Brjóstagjöf lykill að kjörþyngd

Mamma brasilísku ofurfyrirsætunnar Gisele Bündchen, Vânia, er hetjan hennar.

Gisele, sem eignaðist sitt fyrsta barn, soninn Benjamin, fyrir níu mánuðum, með eiginmanni sínum Tom Brady elskar móðurhlutverkið.

„Mamma er hetjan mín. Í dag kann ég að meta allt við hana en hún ól upp sex börn samhliða vinnu. Nágrannarnir hjálpuðu okkur. Hverfið var eins og ein stór fjölskylda," sagði Gisele.

Fyrirsætan var mætt aftur í vinnuna aðeins sex vikum eftir að hún eignaðist drenginn en hún þurfti ekki að hafa mikið fyrir því að jafna sig líkamlega eftir fæðinguna. Hún borðaði holla fæðu yfir meðgönguna og svo hjálpaði brjóstagjöfin henni að ná kjörþyngd á ný að hennar mati.

Gisele tekur drenginn með sér hvert sem hún fer hvort sem um vinnu eða eitthvað annað er að ræða.

„Ég er svo heppin að geta tekið hann með mér hvert sem ég fer. Ég geri ekkert án hans. Við höfum verið aðskilin í þrjá klukkutíma," sagði Gisele.