Veðjað á Liam Neeson

Svo virðist sem Hollywood ætli að veðja á Liam Neeson. Hann er sagður vera í viðræðum við leikstjórann Joe Carnahan um að leika í spennutryllinum The Grey en þeir tveir gerðu saman A-Team. Hann er einnig orðaður við aðalhlutverkið í þremur öðrum myndum.

Neeson er búinn að samþykkja að leika í hasarmyndinni Battleship. Þar mun Neeson bregða sér í hlutverk aðmír-álsins Shane en honum hefur verið falið það erfiða hlutverk að vernda hafsvæði jarðarinnar gegn illskeyttum geimverum. Til að bæta gráu ofan á svart þá er dóttir hans á föstu með helstu hetjunni úr liði hans en parið leika fyrirsætan Brooklyn Decker og Taylor Kitsch.

Kvikmyndavefur Empire greinir frá þessu og bætir því við að Alexander Skarsgaard muni leika son Liams Neeson og söngkonan Rihanna verði í hlutverki vopnasérfræðings. Blaðamenn Empire eru raunar mjög skeptískir á valið á Rihönnu enda hefur hún ákaflega takmarkaða reynslu af leik í kvikmyndum. Battle-ship verður frumsýnd árið 2012.