Portman í stað Jolie

Natalie Portman er þessa dagana orðuð við aðalhlutverkið í geim-mynd Alfonso Cuaron, Gravity. Upphaflega stóð til að Angelina Jolie léki umrætt hlutverk og svo hafði verið rætt við Rachel Weisz og Scarlett Johansson. En nú þykir Portman líklegust til að hreppa hnossið. Leikkonan hefur fengið lofsamlega dóma fyrir frammistöðu sína í Black Swan og eru fjölmiðlar þegar farnir að gera að því skóna að Óskarinn kunni að vera innan seilingar. Þá mun Portman birtast í stórri myndasögumynd næsta sumar þegar hún leikur ástkonu þrumuguðsins Þórs.