David Spade með ofurskutlu

Ein skrýtnasta pörun í sögu Hollywood átti sér stað á dögunum. Þá sást gríngosinn smávaxni, David Spade, ásamt ofurskutlunni og matargyðjunni Padma Lakshimi.

David Spade er þekktastur fyrir hlutverk sín í alls kyns gamanþáttum sem hafa ekki notið mikilla vinsælda. Stjarna hans skein skærar fyrir meira en áratug en lítið sést til hans í dag. Padma hefur sést í íslensku sjónvarpi í þættinum Top Chef. Hún er stórglæsileg og góð að elda. Hin fullkomna kona.

Spade og Padma gripu sér kvöldverð í Hollywood í vikunni og ljósmyndarar náðu því að sjálfsögðu á minniskort. Þau héldust þó ekki í hendur þannig að kannski voru þau að sinna viðskiptaerindum.