Carrey hræddur

Jim Carrey hætti við að leika þybbnu persónuna Curly í kvikmyndinni Three Stooges sökum þess að hann óttaðist að þyngdaraukningin myndi hafa varanleg áhrif á heilsu hans. Búið var að ráða Sean Penn og Benicio del Toro í myndina en nú er gerð hennar í miklu uppnámi. Carrey segist hafa óttast um líf sitt.

„Þegar maður er ungur þá getur maður kannski leyft sér eitthvað svona. En ekki á mínum aldri. Ég reyndi að þyngjast og bætti strax á mig nokkrum kílóum. En ég áttaði mig líka á því að ég yrði lengi að ná þessum kílóum af mér og ég varð smeykur um að líkaminn myndi ekki þola álagið. Ég myndi bara deyja úr hjartaáfalli,“ segir Carrey.