Ljúf sveitasöngkona

Sveitasöngkonan Taylor Swift á sitt eigið hús þar sem hún býr ein. Hin tvítuga Swift segist njóta þess að búa ein og geta ráðið sér sjálf.

„Þegar maður býr aleinn getur maður gert alls konar skemmtilega hluti. Maður getur gengið um og talað upphátt og jafnvel sungið það sem maður er að hugsa. Ætli ég sé þó ekki sú eina sem gerir það?“ sagði stúlkan þegar hún var gestur í spjallþætti Chelsea Handler. Söngkonan er þekkt fyrir sitt ljúfa skap og sakleysi og segist hún aldrei hafa verið sérstaklega villt. „Ég er alltaf mjög hrædd um að koma mér í vandræði og hljóta skammir fyrir. Þess vegna held ég mér á mottunni.“

Swift fagnar 21 árs afmæli sínu í næsta mánuði og segist hlakka til þess að verða ári eldri. „Þá kemst ég lokst með á alla tónleikana sem vinir mínir sækja.“