Gefur góð ráð fyrir brúðkaupið

Bandaríska leikkonan Jennifer Garner ráðleggur breska grínistanum Russell Brand að klippa sig áður en hann gengur í heilagt hjónaband með söngkonunni Katy Perry.

Jennifer og Russell unnu nýverið saman að kvikmyndinni Arthur, sem er endurgerð mynd frá árinu 1981. Þá fór Dudley Moore með aðalhlutverkið.

Jennifer bað Russell vinsamlegast um að klippa sig fyrir brúðkaupið sem verður síðar á þessu ári. Hvenær á þessu ári veit hinsvegar enginn því þetta brúðkaup er eitt stórt dularfullt leyndarmál sem fjölmiðlar beggja vegna Atlantshafsins fá ekki nóg af að velta sér upp úr.

Ástæðan fyrir ráðum Jennifer er svo Russell geti flett myndum sem teknar verða í brúðkaupinu hans í framtíðinni án þess að skammast sín fyrir það hvernig hann leit út.

Russell tók athugasemdum Jennifer með stakri ró og fræddi hana um naglalökkin sem hann notar að staðaldri.