Byrjuð með umba sem kann á konur

Undanfarna sex mánuði hefur leikkonan Reese Witherspoon, 29 ára, átt vingott við umboðsmann fræga fólksins, Jim Toth.

Vinir leikkonunnar segja þeim vera alvara með sambandinu þrátt fyrir stuttan reynslutíma og séu farin að huga alvarlega að því að búa saman.

Reese segist vera yfir sig hrifin af Jim og það hafi komið henni á óvart hvað hann er afslappaður og auðveldur í umgengni.

„Hann er í góðu sambandi við tilfinningar sínar," sagði náinn vinur við tímaritið Us Weekly. „Reese getur slakað á og notið þess að láta stjana við sig. Jim er þannig gerður að hann kann að láta öðrum líða vel og leggur sig allan fram við huga að Reese."

Reese á tvö börn með leikaranum Ryan Philippe. Ava, 10 ára, og Deacon, 6 ára. Hún var með leikaranum Jake Gyllenhaal í þrjú ár en hætti með honum í fyrra.