Aniston andlega sinnuð

Jennifer Aniston fjárfesti nýverið í 220 kg búddastyttu fyrir tæpar 500 þúsund krónur sem hún talar við og tilbiður daglega.

„Hún færir styttunni blóm daglega," er haft eftir vini leikkonunnar.

„Suma daga les hún ljóð fyrir styttuna en hún er meðvituð um að styttan færir henni ekki svör þannig að hún er ekki búin að missa vitið. Jennifer hugleiðir og leitast við að ná andlegum þroska með því að ræða upphátt við líkneskið um tilfinningar sínar."

„ Það besta við styttuna er að hún biður Jennifer ekki um eiginhandaráritun eins og flestir sem verða á vegi hennar gera."