Kourtney Kardashian hætt að djamma

Raunveruleikastjörnunni Kourtney Kardashian er alveg sama þó að fólki misbjóði þegar hún gefur ungum syni sínum brjóst á almannafæri. Hún eignaðist sitt fyrsta barn með unnusta sínum Scott Disick í desember. Hún saknar þess ekki að djamma með vinum sínum.

Kourtney segist hafa verið gagnrýnd fyrir að gefa Mason syni sínum brjóst á almannafæri. „Mér er alveg sama ef einhverjum líkar þetta ekki," segir Kourtney sem öðlaðist frægð fyrir þátttöku í raunveruleikaþætti um fjölskyldu hennar „Keeping Up With the Kardashians" en þátturinn hefur verið sýndur í Bandaríkjunum síðan 2007. „Ég hef systur mína Khloe til að minna mig á ef ég geng of langt," segir Kourtney og hlær.

Kourtney segist varla trúa því hversu mikið hún hafi breyst við það að eignast barn. Núna vilji hún mun miklu frekar vera heima með fjölskyldunni heldur en að fara út á lífið með vinum sínum. „Það er ekkert sem ég myndi frekar gera heldur en að vera heima með Mason og Scott."