Hætt að rokka í þyngd

Jessica Simpson segist vera orðin sterkari síðan hún byrjaði að æfa svokallað kickbox.

Leik- og söngkonan, sem hefur oftar en ekki ratað á síður slúðurblaðanna fyrir að rokka upp og niður í þyngd hefur fundið sig í umræddu sporti.

Hún segir boxið hjálpa henni andlega og líkamlega og að ekki sé minnst á að halda þyngdinni í jafnvægi.

„Ég fæ mikla orku út úr boxinu og það gerir mig sterkari að viðhalda þyngdinni og passa upp á mataræðið. Þetta helst allt í hendur," sagði Jessica.