Enga mömmudrengi takk

Jennifer Lopez, sem er gift Marc Anthony, finnst mest heillandi í fari karlmanna að þeir geti verið heima hjá sér og slakað á og notið stundarinnar.

„Það er ekkert meira pirrandi en karlmaður sem hefur ekki eirð í sér að vera heima hjá konunni sinni."

„Mér finnst mjög sexí að vera heima með manninum sem ég elska þar sem við getum slappað af og notið þess að vera saman," sagði Jennifer.

Við leituðum til kvenkyns lesenda Lífsins á Facebook síðunni okkar og spurðum: Hvað þykir þér vera eftirsóknarvert í fari karlmanna?

„Enga mömmudrengi takk. Sjálfstæði, góður húmor og gott sjálfstraust er góður pakki."

„Sjálfsöryggi. Fyndnir. Góðan húmor fyrir sjálfum sér. Traustir."

„Það er eitt sem mér finnst vanta í þessari upptalingu... og það er karlmaður sem gengur í öll heimilisverkin (óumbeðinn) og kann að elda!!"

„Fjárhagslega sjálfstæðir."

„Að vera kurteis og með mannasiðina á hreinu er geðveikur kostur."

„Ég er með lista. Mikilvægustu atriðin eru kímnigáfa, greind og hreinskilni. Það skemmir heldur ekki fyrir ef hann er hávaxinn."

„Ekki feitur, nips aldrei. Má ég segja hann má ekki vera með feit brjóst? Kannski barnalegt en mér finnst það."

„Einlægni og húmor! Húmor er mest sexí!"

„Mér finnst æði þegar strákar eru ekki með eitthvað vesen. Vera hreinskilnir! ef þeir hafa áhuga þá eiga þeir að segja það. ef þeir eru bara að leita að einu, ekki draga stelpur inn í eitthvað rússíbana rugl og brjóta svo hjörtu! og auðvitað, húmor og smá herramenska sakar ekki."

„Þolinmæði kemur inná svo margt. Umferðina, rifrildi, uppeldi... finnst það gífurlega mikilvægt."

„... sá að einhverjir voru farnir að nefna útlitið. Mér finnst gífurlega mikilvægt að hann sé með sexy og karlmannlegar hendur."

„Karlmenn sem brosa. Klárlega númer eitt að vera fyndinn, ég gæti ekki verið með manni sem finndist ekki gaman að koma mér til að hlæja. Kurteisi er kostur sem mér finnst að allir ættu að hafa."

„Þeir sem standa við það sem þeir segja eru í miklu uppáhaldi og best er þegar þeir eru sjálfstæðir og þurfa ekki að hafa konuna sína sem móður sína"

„Uppátækjasamur er mikill kostur."

„Ég heillast að fyndnum og skemmtilegum strákum, held það sé alltaf þannig, maður getur varla orðið hrifin af einhverjum hundleiðinlegum strák. En ég leita þess í fari stráka að þeir sýni mér virðingu og ég sýni þeim þá líka virðingu."

Stelpur!! Takk kærlega fyrir þátttökuna. Vertu með okkur á síðunni okkar á Facebook hér.