Súpermódelin standa saman

Þýska ofurfyrirsætan Claudia Schiffer er sátt við fortíðina en hún hefur upplifað forvitnilega hluti í gegnum tíðina.

Claudia sem var á hátindi ferilsins fyrir rúmum tuttugu árum ásamt vinkonum sínum í módelbransanum. Hún segir að frægðin og álagið hafi styrkt vináttuböndin.

„Mér fannst æðislegt að vera hluti af vinkonuhópnum. Helena, Cindy, Christy [Turlington], Naomi, Linda [Evangelista], Stephanie [Seymour] og Eva [Herzigova] voru stoð mín og stytta því þetta var klikkaður tími. Aðdáendur stálu undirfötunum okkar þegar við sáum ekki til og ljósmyndarar mynduðu okkur úr launsátri svo eitthvað sé nefnt. Þrátt fyrir samkeppnina á milli okkar vorum við alltaf til staðar fyrir hvor aðra," sagði hún.

Spurð um gott fegrunarráð sagði Claudia: „Svefn! Ég svaf þegar ég gat. Lagði mig hvar sem er. Ég náði að hvíla mig á milli þess sem ég vann eins og skepna."