Boy George segist hættur að baktala fólk

Söngvarinn litríki Boy George segist hættur að baktala fólk. „Ég er núna ákveðinn í því að ef ég ætla að segja eitthvað, þá verður það eitthvað viturlegt," segir Boy George í samtali við vefútgáfu tímaritsins Now.

Boy George, sem heitir réttu nafni George O'Dowd, segist vera rólegri í dag en hann var áður fyrr. Hann sé líka farinn að átta sig á því að það sem hann segi geti haft áhrif.

Boy George mun seint þykja skaplaus maður. Hann sat í fangelsi í nokkra mánuði á síðasta ári fyrir að hafa ráðist á fylgdarmann sinn. Hann hefur þó sagt að hann hafi notið afplánunartímans því að hann hafi kynnst mörgu góðu fólki í fangelsi.