Hefur fyrir því að vera góð mamma

Leikkonan Katherine Heigl, 31 árs, segir að eiginmaður hennar, Josh Kelley, hafi myndað tengsl við ættleidda dóttur þeirra, sem er 20 mánaða gömul, á undan henni.

„Fyrsta sem Naleigh sagði var dada. Hún kallaði síðan alla dada," sagði Katherine í viðtali við InStyle tímaritið.

Katherine ákvað eftir að hún eignaðist Naleigh að vinna aðeins þrjá mánuði á ári til að geta verið meira heima með barninu.

„Naleigh lærði fljótlega að orðin mamma og koss væru náskyld. Þegar hún sagði mamma setti hún stút á munninn og gerði kossahljóð," sagði Katherine.

„Ég fékk gríðarlega mikið samviskubit yfir því þegar ég fór frá henni og byrjaði að vinna aftur en á sama tíma elska ég það sem ég geri. Ég þarf virkilega að hafa fyrir því að vera góð mamma. Ég viðurkenni það alveg."

Katherina tók ákvörðunina að hætta að leika í sjónvarpsseríunni Grey's Anatomy því hún vildi eyða meiri tíma með Naleigh.

Lífið á Facebook. Spjall, spár og stjörnumerkjapælingar.