Trúbatrixur leita að konum

Tónlistarhópurinn Trúbatrixur er kominn á kreik eftir góða tónleikaferð til Bretlands í vor.

Trúbatrixur leita nú að nýjum og spennandi íslenskum tónlistarkonum til að taka þátt í tónleikaferð um Ísland í ágúst í samvinnu við tónlistarsjóðinn Kraum. Einnig taka þær þátt í safnplötunni Trúbatrix Taka 2 sem verður gerð skömmu síðar. Skilyrðin eru þau að stúlkurnar flytji frumsamda tónlist og eigi auðvelt með að koma fram. Almenningur er einnig hvattur til að benda á efnilegar tónlistarkonur.

Hægt er að senda upplýsingar á netfangið trubatrix@gmail.com.